Gjatë një bisede tripalëshe me telefon, Merkel – Hollande – Putin, zyrtarja e lartë gjermane dhe ai francez, e kanë theksuar rëndësinë e sigurimit të shpejtë të përfundimit të luftës në pjesën lindore të Ukrainës, në mënyrë që të stabilizohet situata, ka njoftuar presidenca e Francës, raporton RFE.

Po ashtu, Kremlini ka njoftuar se të tre liderët diskutuan për pasojat potenciale për sigurinë energjetike dhe ekonominë e Evropës, për shkak të dështimit të negociatave me Kievin për zgjidhjen e borxhit të Ukrainës për gaz ndaj Rusisë.

Kjo i ka shtuar shqetësimet se vendet e Bashkimit Evropian mund të ballafaqohen me vështirësi për furnizim me gaz nga Rusia.