Hoxhaj: 11 shtatori kujtohet në botë si ditë e dhimbjes dhe kthesës
Zv.kryeministri në detyrë, Enver Hoxhaj, ka marrë pjesë në zbulimin e memorialit “Kosova kujton”, në nderim të viktimave të 11 shtatorit të vitit 2001 në ShBA.
Lajme
Ai përmes një shkrimi në Facebook thotë se 11 shtatori kujtohet në botë si ditë e dhimbjes por edhe ditë e kthesës.
Postimi i Hoxhajt:
11 shtatori kujtohet në botë si ditë e dhimbjes por edhe ditë e kthesës. Humbja e jetëve të pafajshme me 11 shtator bashkoi tërë botën në luftën kundër të keqës globale.
Ajo ditë, dëshmoi se themeli i lirisë, paqes dhe sigurisë globale është çdo herë e më i palëkundur kur popujt bashkohen për të mirën e përgjithshme.
Populli i Kosovës ka qenë dhe do të jetë gjithmonë përkrah popullit mik amerikan!
Sot, së bashku me ambasadorin amerikan, Philip Kosnet dhe kryeministrin në dorëheqje, Ramush Haradinaj, zbuluam memorialin “Kosova kujton”, në nderim të viktimave të 11 shtatorit të vitit 2001 në ShBA.
