Ata nuk e mohojnë presionin e Vetëvendosjes mbi Qeverinë për ta shkarkuar Jabllanoviqin, por dëshirojnë që t’i rikujtojnë Albin Kurtit se ishin këta të parët që e patën kërkuar shkarkimin në fjalë.

Ja letra e plotë e tyre:

LHK “Ali Hadri”, dega në Deçan, i rikujton ish Kryetarit të Lëvizjes Vetëvendosje, se ishte pikërisht Kryesia e LHK “Ali Hadri”dega në Deçan, e cila me së shumit është angazhuar në shkarkimin e ish Ministrit Jabllanoviq.

Për hir të opinionit, po i rikujtojmë ish Kryetarit të Lëvizjes Vetëvendosje, LHK “Ali Hadri” dega në Deçan, ka qenë i vetmi subjekt në Kosovë, i cili ka dërguar letër në Zyrën e Kryeministrit Mustafa për shkarkimin e ish-ministrit Jabllanoviq. Kërkesa e jonë për shkarkimin e Jabllanoviqit është dorëzuar më 12 janar 2015.

Po ashtu, publiku i jonë është i njohur edhe për reagimin që e kemi bërë kundër deklaratës së ish Ministrit Jabllanoviq dhe letrën e hapur drejtuar Kryeministrit Akademik Isa Mustafa me 14 janar 2014, ku prapë është kërkuar shkarkimi ish Ministrit Jabllanoviq.

Është shumë e vërtetë se Lëvizja Vetëvendosje, e ka keq përdorur presionin e ardhur nga qytetarët dhe organizatat e tjera, duke bërë vandalizëm mbi institucionet tona.

Është shumë turpërues se ish Kryetari i Lëvizjes Vetëvendosje Albin Kurtit gënjen në opinion.