Angel Di Maria u zgjodh futbollisti më i mirë i finales në edicionin e shkuar të Ligës së Kampionëve ku Real Madridi i tij mposhti Atletico Madridin me rezultat 4:1.

Mirëpo, një ballafaqim i madh e shumë më i rëndësishëm për futbollistin ndodhi rreth 14 muaj më parë kur vajza e tij lindi tre muaj para kohe. Ajo kishte vetëm 30 për qind të mundësisë për të mbijetuar.

Dhe, Di Maria nuk luajti në duelin mes Real Madridit dhe Borussia Dortmundit në gjysmëfinale të Ligës së Kampionëve për shkak se shkoi për t’i qëndruar pranë bashkëshortes së tij. Por, fatmirësisht gjithçka përfundoi mirë, dhe vogëlushja e mbush atë përplot me energji.

“Vajza ime më mësoi se gjithçka që duket e vështirë mund të lehtësohet dhe të përfundojë nëse përpiqesh dhe pret për shpërblimet. Ajo më transmeton shumë energji dhe më ndihmoi të kisha atë vit spektakolar”, ka deklaruar Di Maria.