Sulmuesi i Napolit, Gonzalo Higuain ka injoruar spekulimet se është objektiv i Barcelonës për transferim gjatë këtij afati kalimtar të verës.

Emri i yllit argjentinas është përmendur në mesin e sulmuesve që spekulohet se kërkohen nga trajneri i ri i gjigantit katalan, Luis Enrique.

Por, Higuain ka insistuar se nuk di asgjë rreth interesimit të Barcelonës.

“As unë, e as menaxheri im nuk dimë asgjë rreth interesimit të Barcelonës. Me ne nuk ka biseduar askush”, deklaroi Higuain.

“Jam futbollist i Napolit. Për momentin mendoj vetëm për Kampionatin botëror”, u shpreh ai. Më pas do të vijnë pushimet, e merituara pas një edicioni të ngarkuar në Serie A me Napolin dhe Argjentinën në Kampionatin botëror.

Higuain është duke u përgatitur me Kombëtaren e tij për ndeshjen gjysmëfinale kundër Holandës, të mërkurën