Herolind Shala futet në formacionin e vitit në Norvegji
Herolind Shala është përfshirë në formacionin e vitit në elitën e futbollit norvegjez.
Sport
Kampionati i Norvegjisë ka përfunduar këtë fundjavë, teksa Molden është shpallur kampion për herë të katërt në histori të klubit.
Sezoni që shkoi ka qenë i mirë edhe për mesfushorin e Kombëtares së Kosovës, Herolind Shala.
27 vjeçari që është pjesë e Valerenga ka mbyllur sezonin me 21 paraqitje dhe gjashtë gola të shënuara.
E mesfushori i Kosovës, Herolind Shala është vlerësuar jashtëzakonisht shumë, pasi është përfshirë në formacionin më të mirë të vitit në Norvegji nga gazeta më e madhe në Norvegji, VG.no.
Në Norvegji luajnë edhe disa futbollistë tjerë shqiptarë, si Elbasan Rashani, Liridon Kalludra, Flamur Kastrati, Zymer Bytyqi, Ylldren Ibrahimaj dhe Veton Berisha./Lajmi.net/