Hernandez bombardon, Franca përmbys gjithcka ndaj Belgjikës për të prekur finalen

Sport

07/10/2021 22:40

Golin e ndeshjes e hapi Carrasco, duke realizuar gol në minutën e 37-të, gjersa tri minuta më vonë, Romelu Lukaku dyfishoi epërsinë në minutën e 41-të, për t’i dhënë avantazhin belgëve me dy gola në epërsi pas pjesës së parë.

Në pjesën e dytë Franca përmbysi gjithcka, duke i realizuar tri gola radhazi, për të prekur kështu finalen e madhe.

Karim Benzema ishte ai i cili e ngushtoi epërsinë fillimisht të francezëve, duke realizuar një gol të bukur me të majtën në minutën e 62-të, gjersa shtatë minuta më vonë, Kylian Mbappe barazoi shifrat duke realizuar gol nga pika e penalltisë.

Kur u mendua se ndeshja do të shkoj në vazhdime, kështu nuk mendoi anësori i Milanit, Theo Hernandez i cili bombaradoi portën e Courtois në minutën e 90+1, për të përmbysur gjithcka në këtë sfidë.

Me këtë fitore të çmendur, Franca i bashkohet Spanjës ku do të luajnë në finalen e Ligës së Kombeve, të dielën nga ora 20:45.