Haziri thotë se LDK e ka kryetarin, nuk ka garë për këtë postë
Nënkryetari i Lidhjes Demokratike të Kosovës, Lutfi Haziri, ka folur për herë të parë në emisionin Pressing në T7 për zhvillimet e fundit në vend dhe largimin e Listës Serbe nga Qeveria. Haziri ka folur edhe për vendimet që do t’i marrë LDK në ditët e ardhshme.
Lajme
Nënkryetari i LDK’së ka bërë me dije se tashmë situata politike në Kosovës ka ndryshuar nga dita e hënë.
Hazri duke folur për gjendjen që po kalon LDK në mungesë të Isa Mustafës, i cili tash e disa muaj është në Gjermani për shërim.
Ai ka treguar se LDK nuk e ka ndërmend të ndryshojë kryetarin.
“ Nuk ka ndonjë ndryshim apo diçka e tillë që mund të ndodh në LDK. Aktualisht kryetar i saj është Isa Mustafa. Ai edhe pse është larg Kosovës, është i informuar për çdo gjë që po ndodh. Po ashtu edhe për vendimet që merr paria i merr në koordinim të plotë me Mustafën”, ka thënë Haziri.