Perëndimorët arritën që të fitojnë me rezultatin e ngushtë 114:110, krejt falë paraqitjes së jashtëzakonshme të James Harden.

MVP i sezoni të kaluar shpërtheu në këtë takim dhe u tregua i pandalshëm duke realizuar plotë 61 pikë për skuadrën e tij, shkruan lajmi.net.

James Harden kësisoj është barazuar me Kobe Bryant për tu bërë lojtari me më së shumti pikë në “Madison Saquare Garden” si kundërshtar i New York. Ai shtoi edhe 15 kërcime, 4 asistime dhe 5 topa të vjedhur në kontributin e tij për Rockets.

Gjithashtu, në këtë ndeshje, Harden vendosi edhe një tjetër rekord “të çmendur”, duke u bërë lojtari i parë që tenton 20 herë nga vija e gjuajtjeve të lira dhe 20 herë nga distanca për tri pikë.

Me këtë fitore, Houston Rockets ngjiten në kuotën e 27 fitoreve, krahas 20 humbjeve në 47 ndeshje.

Kujtojmë se me këto paraqitje të treguara, Harden është favorit edhe këtë vit për çmimin MVP, në garë me Giannis Antetokounmpo. /Lajmi.net/