Haradinaj për sanksionet e SHBA-ve ndaj bandave të veriut: Lajm i shkëlqyeshëm
Kryetari i AAK-së, Ramush Haradinaj ka reaguar pasi që SHBA-të vunë sanksione ndaj anëtarëve dhe krerëve të bandave kriminale të veriut, përfshirë Milan Radojiçiqin dhe Zvonko Veselinoviqin.
Lajme
Haradinaj në një postim në Facebook ka thënë se mirëpret vendimin në fjalë të SHBA-ve, duke e quajtur “lajm të shkëlqyeshëm”.
“SHBA dhe Kosova janë të përkushtuar për sundimin e ligjit dhe kjo është një përpjekje e përbashkët për të luftuar korrupsionin dhe krimin e organizuar”, ka shkruar Haradinaj.
Postimi i plotë:
Vendimi i Shteteve të Bashkuara të Amerikës për sanksionimin e krerëve të krimit të organizuar në Kosovë, është lajm i shkëlqyeshëm për Kosovën.
SHBA dhe Kosova janë të përkushtuar për sundimin e ligjit dhe kjo është një përpjekje e përbashkët për të luftuar korrupsionin dhe krimin e organizuar.
Vendimi do të ndihmojë misionin tonë të përbashkët për të goditur krimin transnacional në Kosovë dhe Ballkanin Perëndimor. /Lajmi.net/