“Jemi sot këtu, së bashku me bashkëluftëtarë e kolegë, për të nderuar luftën dhe sakrificën e komandantit legjendar, Adem Jashari dhe familjes Jashari, por edhe dëshmorëve dhe luftëtarëve tjerë”, ka thënë Haradinaj.

“Ky nderim nuk mjafton, por megjithatë dërgon një porosi, se në rrugën e lirisë, do të rrugëtojmë gjithnjë”, tha kryetari Haradinaj, pas homazheve, thuhet në një komunikatë për media të AAK-së.

Shpëtim Agusholli, invalid i luftës së UÇK-së, gjithashtu ka shprehur nderimin për familjen Jashari dhe komandantin Adem Jashari: “Jemi këtu në nderim të komandantit dhe familjes Jashari, që ka sakrifikuar shumë për lirinë e Kosovës”, tha Agusholli.