Haradinaj i përgjigjet Hotit, ia transmeton qëndrimin e Gjermanisë për Taskë Forcën kundër korrupsionit

Kryeministri Avdullah Hoti dhe kreu i AAK-së, Ramush Haradinaj nuk po ndalën se polemizuari lidhur me shuarjen e task forcës antikorrupsion.

Lajme

24/10/2020 18:50

Partneret e koalicionit kanë zgjedhur rrjetin social facebook për të shfaqur mospajtimet për këtë çështje, dhe jo zyrën e qeverisë, shkruan lajmi.net

Para pak minutave, kryeministri i është përgjigjur kryetarit të AAK-së, Ramush Haradinajt, duke thënë se shuarja e taks forcës antikorrupsion në Policinë e Kosovës nuk e zbeh luftën ndaj korrupsionit. Ka thënë se të gjithë policët që kanë qenë në task forcë do të punojnë sipas udhëzimeve të Prokurorisë Speciale.

Por, Haradinaj këmbëngul në bindjen e tije se shuarja e task forcës ka qenë gabim.

Ka reaguar përsëri me një status në facebook, duke ia transmetuar një reagim të ambasadorit gjerman në lidhje me këtë çështje.

“Bashkpartiakët tuaj edhe mund t’ju tolerojnë, por, ky është qëndrimi i shtetit aleat që është vendimmarrës për liberalizim të vizave: Fatkeqësisht vendimi i qeverisë së Kosovës për shuarjen e Task Forcës Anti-Korrupsion, ngrit shqetësime të mëdha për vullnetin politik për trajtimin efektiv të çështjeve korruptive”, ka shkruar Haradinaj. /Lajmi.net/

Vazhdon përplasja në distancë, Hoti i përgjigjet sërish akuzave të Haradinajt