Hamburg e ka befasuar Borussia Dortmundin duke e mposhtur me rezultat të thellë 3:0, në duelin e vlefshëm për xhiron e 21’të në Bundesligë.

Vendasit, që janë në luftë për mbijetesë, shënuan fitore të rëndësishme në debutimin e trajnerit të ri Mirko Slomka duke e shkelur kundërshtarin. Petr Jiracek e kaloi Hamburgun në epërsi pak para përfundimit të pjesës së parë.

Pierre-Michael Lassogga e dyfishoi avantazhin me golin e tij në minutën e 57’të, kurse fare në fund. Hakan Calhanoglu e vendosi rezultatin përfundimtar të takimit.

Pavarësisht fitores, Hamburg mbetet në pozitën e 16’të në tabelë me vetëm 19 pikë, vetëm katër më shumë se skuadra e fundit në renditje, Eintracht Braunschweig.

Kurse, Dortmund mbetet në pozitën e tretë me 17 pikë më pak se lideri Bayern Munich, që takohet të dielën me Hannoverin.

Rezultatet:

M’gladbach – Hoffenheim           2:2

Freiburg – Augsburg       2:4

Hamburg – Borussia Dortmund  3:0

Nurnberg – Braunschweig           2:1

Stuttgart – Hertha Berlin                1:2

18:30 Wolfsburg – Bayer Leverkusen