Pasi kaloi tek Barcelona, ku nuk arriti të fitojë një  vend në ekipin e parë, Halilovic luajti si i huazuar tek Gijon.

Kroati këtë edicion kaloi tek Milan nga Hamburgu, ku pas gjysmë viti nuk ka arritur që të bëjë një vend në formacionin e Gattusos.

Tashmë, lojtari po e mendon një tjetër lëvizje. Ai duket se do të transferohet në Turqi.

“Sky Sport Italia” raporton se ish mesfushori i Barcelonës është afër kalimit tek Besiktas, transmeton lajmi.net.

Halilovic ka kontratë me Milan deri në vitin 2021, por pasi nuk ka debutuar ende, ai po shqyrton mundësinë e largimit.

Mbetet të shihet se ku do të vazhdojë lojtari që dikur konsiderohej si “Luka Modric i ardhshëm”. /Lajmi.net/