Arsenali iu hakmor Borussia Dortmund për humbjen 2-1 në Emirates, muajin e kaluar, duke fituar në udhëtim kundër gjigantit gjerman, me rezultat minimal 1-0, në ballafaqimin e vlefshëm për xhiron e katërt të Grupit F në Ligën e Kampionëve.

Dortmund kishte festuar në Emirates, por Arsenali e bëri të njëjtën gjë në Westfallen Stadion duke përforcuar shanset e kualifikimit për në fazën eliminatore të garës elite të klubeve evropiane.

Golin vendimtar në fitoren e madhe të Arsenalit e realizoi mesfushori në formë Aaron Ramsey pas 62 minutash lojë.

Kurse, në duelin tjetër të këtij grupi, Napoli me mjaft mund arriti të fitojë kundër Olympique Marseilles me rezultat 3-2, në ndeshjen ku sulmuesi argjentinas Gonzalo Higuain shënoi dy gola.

Dortmund – Arsenal 0-1

Napoli – Marseille 3-2

Tabela

Arsenal 9 pikë

Napoli 9

Dortmund 6

Marseille 0