Hajdari: Kosova si vend importues s’kishte si t’i shmangej ngritjes së çmimeve

Ministrja e Industrisë Rozeta Hajdari ka deklaruar se rritja e inflacionit ka ardhur si rezultat i hapjes së ekonomisë pas pandemisë COVID-19.

Lajme

20/01/2022 14:08

Në debatin parlamentar për ngritjen enorme të çmimeve në vend, Hajdari tha se Kosova si vend importues nuk ka pasur mundësi t’i shmangej krizës për çmimet bazike.

“Muajt e fundit janë vërejtur rastet e shumta të rritjes së çmimeve në përgjithësi dhe veçanti për produktet e konsumit. Rritjet e çmimeve të lëndëve djegëse, naftës, gazit janë luhatur kohë pas kohe dhe ka ndikuar me automatizëm në rritjen e çmimeve, sidomos në të transportit dhe kjo është reflektuar edhe tregun e Kosovës, duke ditur se jemi vend me import të lartë në Kosovë. Kosova si vend importues nuk kishte si të ikte kësaj krize”, tha ajo.

Seanca e Kuvendit do të vazhdojë pas pauzës, në orën 15:00.