Pep Guardiola nuk e ka ndërmend të heq dorë nga Jorge Resurrección Merodio, më mirë i njohur si Koke.

Trajneri i Bayern Munichut dëshiron ta transferojë mesfushorin spanjoll të Atletico Madridit, shkruan e përditshmja spanjolle As.

Trajneri spanjoll, dikur pjesë e Barcelonës, e ka veçuar 22 vjeçarin si objektivin e parë për afatin kalimtar të verës, pasi dëshiron ta kompletojë ekipin që e dëshiron, ngase ekipin aktual e ka kryesisht të trashëguar nga ish trajneri Jupp Heynckes.

Kohë më parë flitej se gjiganti bavarez ishte i gatshëm ta jepte në shkëmbim Xherdan Shaqirin, vetëm për të ardhur deri te koke.

Së fundmi, Bayerni e fitoi titullin e 24-t në Bundesligë, ndërsa është në garë që të triumfojë sërish në Ligën e Kampionëve.