Gruaja në Pejë gjendet e vdekur në një banesë, Policia del në vendin e ngjarjes

Policia e Kosovës, ka njoftuar se në qytetin e Pejës, në një banesë është gjetur pa shenja jete viktima femër kosovare.

Lajme

11/06/2022 08:39

Këtë njoftim PK-ja, e ka bërë përmes raportit të saj të përditshëm, ku ka shtuar se njësitet relevante dhe ekipi mjekësor kanë dalë në vendin e ngjarjes ku edhe është konstatuar vdekja e viktimës, shkruan lajmi.net.

Më tej në raport, po ashtu njoftohet se me vendim të prokurorit, trupi i pajetë i është dërguar për obduksion.

“HETIM I VDEKJES. Rr. Adem Jashari, Pejë 10.06.2022-14:39. Në një banesë është gjetur pa shenja jete viktima femër kosovare. Njësit relevante dhe ekipi mjekësor kanë dalë në vendin e ngjarjes ku dhe është konstatuar vdekja e viktimës. Me vendim të prokurorit, trupi i pajetë është dërguar  në IML për obduksion”, njoftohet në raportin e Policisë. /Lajmi.net/