Greqia e gatshme të nisë bisedimet me Turqinë

Greqia njoftoi sot se është gati të nisë bisedimet me Turqinë për zonat detare që dy vendet po diskutojnë për të shfrytëzuar në Detin Egje.

Bota

06/08/2020 23:38

Turqia pezulloi kërkimet e saj për naftë dhe gaz jashtë një ishulli grek muajin e kaluar, pasi ato rritën tensionet mes dy vendeve.

“Jemi gati të diskutojmë të gjitha mosmarrëveshjet me Greqinë pa kushte”, deklaroi presidenti turk, Recep Tayyip Erdogan, më 28 korrik.

“Po presim të shohim nëse Turqia synon seriozisht ta bëjë këtë. Ne jemi gati të bisedojmë që këtë muaj”, tha zëdhënësi i qeverisë greke, Stelios Petsas.

Kryeministri grek, Kyriakos Mitsotakis, siguroi dje se ishte i gatshëm të diskutonte me Turqinë për kufijtë e zonave detare në Detin Egje dhe në Mesdheun Lindor.