Masat përfshijnë kërkimin e testimit javor ose dy herë në javë për punëtorët e pavaksinuar dhe lejimin e qasjes në vende të caktuara të brendshme vetëm për ata që janë të vaksinuar ose kanë një certifikatë që vërteton se janë shëruar nga COVID-19 në gjashtë muajt e fundit, shkruan AP, transmeton Klankosova.tv.

Ministri i Shëndetësisë Vassilis Kikilias tha se masat e reja nuk ishin ndëshkuese, por “ajo që ne duhet të bëjmë si një shtet përgjegjës”.

“Është obligimi ynë dhe detyrimi ynë ndaj të gjithë atyre që e humbën betejën” para se të viheshin në dispozicion vaksinat, tha Kikilias.

Masat do të jenë në fuqi nga 13 shtatori deri më 31 mars. Sipas rregullave të reja, të gjithë punonjësit e sektorit privat dhe publik pa një certifikatë që vërteton vaksinimin ose shërimin e fundit nga COVID-19 do të duhet t’i nënshtrohen një testi të shpejtë në javë, tha Kililias.

Dy teste në javë do të kërkohen për njerëzit që punojnë në akademi, turizëm, restorante, kafene, bare dhe në prodhime argëtuese, si dhe studentë të shkollës dhe universitetit.

Testet do të kryhen në objekte private, me koston prej 10 eurosh që do të paguajnë individët e testuar, vetëm nxënësit do të kenë të drejtë për teste falas.

Të pavaksinuarit mund të hyjnë në kinema, teatro, muze, vende arkeologjike dhe palestra vetëm me prova të një testi të shpejtë negativ të kryer deri në 48 orë më parë.

Maskat do të jenë të detyrueshme për të gjithë në vende të mbyllura publike dhe në zona të mbushura me njerëz në natyrë.

Dëshmia e vaksinimit, shërimit ose një testi të shpejtë negativ brenda 48 orëve të fundit do të kërkohet gjithashtu për të udhëtuar me aeroplan, tren, varkë ose autobus në distanca të gjata për këdo që është 12 vjeç e lart.

“Falë vaksinës, ne nuk do t’i kthejmë spitalet tona përsëri në përparësi atyre që janë të sëmurë rëndë me COVID,” tha Kikilias, duke shtuar se spitalet do të vazhdojnë të kujdesen për të gjitha rastet.

“E kundërta do të ishte e padrejtë dhe joetike ndaj shumicës së qytetarëve që janë vaksinuar dhe vuajnë nga sëmundje të tjera, dhe natyrisht që kanë të drejtë për kujdesin e duhur,” tha ai.

Greqia, e cila ka një popullsi prej rreth 11 milionë banorëve ka mbi 560 mijë raste të konfirmuara dhe 13 mijë e 422 vdekje nga pandemia.