Policia e Shqipërisë është njoftuar përmes një telefonate të marrë në sallën operative dhe është nisur menjëherë drejt vendit të ngjarjes.

Në momentin e mbërritjes së policisë, tre grabitësit kanë braktisur automjetin dhe duke përfituar nga errësira mundën të largoheshin. Policia ka sekuestruar mjetin tip Audi A3, brenda të cilit u gjetën një armë automatike, model 56 me qytë të prerë, dy krehër me 30 fishekë të kalibrit 7.62mm, një krehër pistolete me 10 fishekë të kalibrit 9 mm, një gëzhojë e plasur e kalibrit 7.65 mm, një telefon celular, dy karta SIM, dokumenta identifikimi, si dhe sende tjera personale të autorëve, raporton TCH.

Në bazë të këtyre provave, policia ka bërë identifikimin dhe shpalljen në kërkim të tre personave të dyshuar si autorë. Ata janë S.J., 30 vjeç, me banim në Durrës, A.J., 37 vjeç, po nga Durrësi dhe R.R, 31 vjeç, nga Tirana.

Ndërkohë Naim Çiça dhe bashkëshortja e tij shtetasja  A. Çiça, 60 vjeçe, banuese në Tepelenë, ndodhen në spitalin e Gjirokastrës me dëmtime trupore, por jashtë rrezikut për jetën.