Menaxheri i Chelseas, Jose Mourinho është gjobitur me 10 mijë funte pas komenteve që bëri pas ndeshjes së skuadrës së tij kundër Sunderland më 19 prill, në kuadër të Premierligës.

Mourinho, 51-vjeç, uroi gjyqtarin Mike Dean pas ndeshjes, në të cilën Chelsea u mposht në shtëpi me rezultat 2:1.

Njoftimi nga Federata angleze e futbollit theksoi se komentet e tij e “sollën ndeshjen në diskutim” dhe portugezi u shpall fajtor pas akuzës për sjellje të pahijshme. Mourinho po ashtu humbi ankesën në lidhje me një gjobë prej 8 mijë funtesh për një akuzë paraprake.

Ai mohoi se sjelljet e tij ishin të paarsyeshme pas humbjes 1:0 në Premierligë në udhëtim te Aston Villa më 15 mars, kur hyri në fushë për të diskutuar me gjyqtarin Chris Foy, pas vendimit të këtij të fundit që ta përjashtonte në tribuna.

Mourinho humbi serinë prej 77 ndeshjesh pa disfatë në Stamford Bridge në kuadër të Premierligës nga Sunderland, dhe humbja doli të jetë vendimtare për Chelsean në garë për titull të kampionit në Premierligë.  

Menaxheri i Chelseas, Jose Mourinho është gjobitur me 8 mijë funte nga Federata angleze e Futbollit për “sjellje të pahijshme” gjatë duelit të skuadrës së tij në Premierligë kundër Cardiffit të shtunën.

Special One u përjashtua 20 minuta para fundit të takimit, që përfundoi 4-1 në favor të skuadrës së tij.

Ai e humbi durimin me gjyqtarin Anthony Taylor i cili kishte kërkuar nga mbrojtësi sern Branislav Ovanovic të shpejtojë ekzekutimin e një rivënie anësore, pasi gjatë gjithë minutave të mëhershme kishte lejuar Cardiffin të vonojë lojën.

Së fundmi dyshohej se Mourinho mund të marr edhe ndonjë ndeshje shtesë moslojë, por në fund vetëm është gjobitur për veprimin e tij.