Kandidati i Lidhjes Demokratike të Kosovës, Lutfi Haziri, deklaroi të shtunën, në një konferencë shtypi, se Gjilani ndodhet në një situatë alarmante financiare.

Ai kërkon ndërhyrjen e Ministrisë së Ekonomisë dhe të Financave, por dhe të Gjykatës, për ta shpëtuar, siç shprehet ai, Komunën e Gjilanit nga falimentimi.

“Gjilani ndodhet në një situatë alarmuese dhe duhet një ndërhyrje urgjente e MEF për ta shpëtuar nga falimentimi total financiar”.

Në këtë konferencë, Haziri akuzoi rivalin e tij nga PDK – Kryetarin aktual të Komunës, Qemajl Mustafën, se nuk ka realizuar premtimet e shumta që ka bërë për Gjilanin.

“Ka shumë projekte të parealizuara të Qemajl Mustafës ndërkohë që edhe borxhet e Komunës së Gjilanit arrijnë në 7 milionë”.