Të Infektuar: 57.317

Të Shëruar: 50.487

Të Vdekur: 1.447

Gjilani fiton derbin ndaj Prishtinës – ‘kryeqytetasit’ gjunjëzohen në ‘Fadil Vokrri’

15:22 | 25 Tetor 2020

Gjilani ka fituar derbin e javës kundër Prishtinës.

Skuadra e Gentian Mezanit ka arritur që të mposht skuadrën e Prishtinës, edhe pse kjo e fundit luajti në terrenin e saj, shkruan lajmi.net.

Me rezultatin 0:2, Gjilani është kujdesur që t’i bëjë të vetat tri pikët e kësaj xhiroje.

Ishte Edison Kqiku ai që fitoi një penallti në minutën e 14’, penallti të cilën e konvertoi në gol Fiton Hajdari.

Prishtina pati mundësinë e artë që të barazonte rezultatin në minutën e 64’, por Enea Koliqi arriti të ndalte penalltinë e Endrit Krasniqit.

Vendasit tentuan deri në fund, por nuk arritën të thyenin mbrojtjen e skuadrës së Gjilanit.

Mysafirët dolën në fund me një kundërzbritje vrasëse, e cila i dha mundësinë Gerhard Prognit që të shënonte për 0:2, duke ngrirë takimin.

Kështu, Gjilani shkon në kuotën e 13 pikëve pas tetë ndeshjeve, kurse Prishtina mbetet me 11 pikë në shtatë ndeshje. /Lajmi.net/