Një situatë e papërshtatshme është parë së fundmi në shtëpinë e Big Brother VIP Kosova, ku konkurrenti Eduard Kuçi po bënte disa veprime të pahijshme, në një moment kur Klodian Mihaj po pastronte dhëmbët.

Në ambientin e njëjtë ndodheshin edhe banorët e tjerë, Londrim Mekaj dhe Elijona Binakaj.

Ajo që ka tërhequr vëmendjen e publikut ishte një gjest i Eduardit, i cili u interpretua nga shikuesit si i papërshtatshëm dhe me nënkuptime seksuale.

Pamjet janë shpërndarë me të madhe në rrjetet sociale, duke shkaktuar reagime të shumta nga publiku.

Shumë ndjekës e kanë cilësuar këtë veprim si të tmerrshëm dhe të patolerueshëm, veçanërisht për faktin se ndodhi në prani të një femre.

Komentet online e kanë konsideruar sjelljen si seksiste dhe mungesë respekti, duke ngritur debate mbi etikën, sjelljen e banorëve dhe kufijtë e humorit brenda një formati të ndjekur si Big Brother VIP Kosova.

Mbetet për t’u parë nëse kjo situatë do të sjellë reagim nga produksioni apo do të diskutohet gjatë spektaklit, ndërkohë që publiku vazhdon të shprehë pakënaqësinë e tij në rrjetet sociale.