Gjermania ndërton kamp për Botëror
Nëse duhet t’i besojmë të përditshmes gjermane Bild, atëherë në Kampionatin botëror 2014 do të ndodhë diçka vërtetë e pazakonshme. Të pakënaqur me gjendjen e hotelit dhe kampit ku i është caktuar të qëndrojë gjatë garës së vitit të ardhshëm në Brazil, Federata e Futbollit të Gjermanisë planifikon të ndërtojë një hapësirë më të mirë…
Sport
Nëse duhet t’i besojmë të përditshmes gjermane Bild, atëherë në Kampionatin botëror 2014 do të ndodhë diçka vërtetë e pazakonshme.
Të pakënaqur me gjendjen e hotelit dhe kampit ku i është caktuar të qëndrojë gjatë garës së vitit të ardhshëm në Brazil, Federata e Futbollit të Gjermanisë planifikon të ndërtojë një hapësirë më të mirë dhe ta shfrytëzojë atë gjatë Botërorit.
Kampi i skuadrës gjermane planifikohet që brenda gjashtë muajsh të ndërtohet në fshatin Santo Andre, në Bahia.
Aeroporti më i afërt është vetëm 15 minuta larg, kurse udhëtimi më i gjatë që do ta bëjë skuadra për ndeshjet e fazës së grupeve është 1700 kilometra deri në Fortaleza, kurse më i shkurti 700 në Salvador.
Iniciativën për këtë e ka marrë selektori i Gjermanisë, Joachim Low pasi nuk u nda i kënaqur me opsionet e ofruara nga shteti nikoqir. Kujtojmë se Gjermania do të garojë në Grupin G së bashku me Portugalinë, Ganën dhe Shtetet e Bashkuara të Amerikës.