Gjermani Peter Bayer fiton përballë ish- spiunit rus, zgjedhet raportues për Kosovën
Peter Bayer (CDU) nga Gjermania, është zgjedhur raportues për Kosovën nga Komisioni për Politikë të Jashtme e Demokraci të Asamblesë Parlamentare të Këshillit të Evropës.
Lajme
Bayer është zgjedhur raportues për Kosovën duke marrë 33 vota, përballë kundërkandidatit tjetër, ish- spiunit rus, Aleksey Kondratyev, i cili ka marrë 6 vota.
Kundër zgjedhjes së ish- spiunit rus, kanë lobuar fuqishëm Xhavit Haliti, shef i delegacionit të Kuvendit të Kosovës në Asamblenë Parlamentare të Këshillit të Evropës, Ervin Bushati nga Parlamenti i Shqipërisë dhe Adnan Dibrani nga Parlamenti i Suedisë.
Lajmi është konfirmuar nga nënkryetari në largim i Kuvendit të Kosovës, Xhavit Haliti, transmeton lajmi.net.
Shkrimi i plotë i Halilit:
Një lajm super i mirë për Kosovën!
Dështoi zgjedhja e ish- spiunit rus, Aleksey Kondratyev, raportues në Asamblenë Parlamentare të Këshillit të Evropës për Kosovën.
Raportues për Kosovën është zgjedhur diplomati Peter Bayer i CDU-së së Gjermanisë.
I falënderoj për mbështetje të gjithë anëtarët e delegacioneve të Komisionit për Politikë të Jashtme e Demokraci të Asamblesë Parlamentare të Këshillit të Evropës.
Një falënderim i veçantë kam edhe për miqtë e mi, Ervin Bushatin nga Parlamenti i Shqipërisë, Adnan Dibrani nga Parlamenti i Suedisë dhe dhe Mimoza Ahmeti( konsulle e përgjithshme e Kosovës në Starsburg), me të cilët lobuam fuqishëm kundër zgjedhjes së ish- spiunit rus raportues për Kosovën. /Lajmi.net/