Numri i të vdekurve nga tërmeti 7,9 ballë i shkallës Rihter, i cili ka goditur sot në mëngjes Nepalin, ka kaluar numrin e 1 mijë personave.

Sipas informacioneve të fundit nga autoritetet lokale, tërmeti ka plagosur një numër të madh të njerëzve të cilët janë transportuar në spitalet lokale. Ekipet e shpëtimit janë në terren, ndërkohë ende nuk dihet se sa njerëz ndodhen akoma të varrosur nën ndërtesat e rrënuara.

Si pasojë e termetit të fuqishëm janë rrënuar shumë ndërtesa, ndërsa siç raportohet janë rrafshuar disa fshatra.

Gjeologjik Center në SHBA tha se kryeqyteti i Nepalit, Katmandu u godit nga një tërmet 7,9 gradë Rihter. Ndërkohë raportohet se edhe aeroporti i kryeqytetit të Nepalit momentalisht është i mbyllur.

Epiqendra e tërmetit ka ndodhur 80 kilometra në veriperëndim të Katmandu. Sipas pohimeve të fundit të mediave Nepalese, tërmeti u ndje edhe në Indinë fqinje dhe Bangladesh, si dhe në zonat rreth 800 kilometra larg nga epiqendra.