Një mjet eksplosiv i pa shpërthyer është gjetur sot në Krushë të vogël të Prizrenit.

Rastin për lajmi.net e ka konfirmuar zëdhnësi i Policisë së Kosovës për rajonin e Prizrenit Shyqeri Bytyqi.

Bytyqi ka thënë se sot rreth orës 14:30 është marrë informacioni se në oborrin e një kompanie në Krushë të vogël, Prizren (ish-“podrumi I verës”) dyshohet se gjatë punimeve me eskavator është gjetur një mjet eksplosiv i pa shpërthyer.

“Nga pamja mjeti duket të jetë një “bomb kaset” e mbetur nga lufta e fundit. Policia ka dal në vendngjarje dhe ka siguruar vendin. Njësitet përkatëse policore kanë ndërmarrë te gjitha veprimet e nevojshme”, ka thënë Bytyqi.

Tutje ai ka thënë se në lidhje me rastin është informuar edhe njësiti i deminimit të FSK-së.

“Njësiti I deminimit ka dal në vendngjarje dhe ka udhëzuar që të mbyllen të gjitha rrugët që qojn në atë drejtim ngase mjeti eksploziv është vlerësuar si mjet shumë I rrezikshëm “bomb kasetore antitank”. Pasi që është siguruar rrethina mjeti eksplosivë është plasur ( shpërthyer) në vendngjarje pa ndonjë incident”, tha Bytyqi. /Lajmi.net/