Ekspertët mjeko-ligjorë serbë kanë konstatuar se trupi i të ndjerit ka qëndruar në ujë 10-14 ditë, kurse policia konsideron se ai është rrahur para se të mbytej në ujë, raporton gazeta serbe Blic.

Nuk dihet akoma nëse ai është hedhur në lumë i gjallë apo i vdekur, por njofton se ai nuk ka pasur adresë të paraqitur në Beograd. Thuhet se ai ka qenë i njohur për policinë më parë për shkak të vjedhjes dhe thyerjes së automjeteve.  

“Zhdukja e tij nuk është paraqitur. Në këtë moment po tentojmë të konstatojmë se ku është parë ai për herë të fundit i gjallë. Sipas të gjitha gjasave krimi nuk ka ndodhur në Beograd dhe as rrethina të tij”, tha policia.

Policia është duke tentuar të gjejë familjarët e Xhemshitit dhe po zhvillohen hetimet.

Sipas informatave të para jozyrtare, Xhemshiti është rrahur dhe pastaj është hedhur në lumë. Ende nuk dihet nëse ai është hedhur në lumë i gjallë, por besohet se ai ka dhënë shenja jete, por pastaj është mbytur nga përmbytjet e atyre ditëve, kur niveli i lumenjve në Serbi ishte rritur dukshëm.