Getafe luan baras me Real Madrid, vazhdon ëndrrën për një vend në Ligën e Kampionëve

23:18 | 25 Prill 2019

Skuadra e Getafes ka arritur të fitojë pikë edhe në ndeshjen kundër Real Madrid.

Në ndeshjen e xhiros së 34-të në La Liga, Getafe dhe Real Madrid janë ndarë baras, me rezultatin 0:0.

Edhe pse nuk pati gola, ndeshja ishte mjaft dinamike dhe me aksione të shumta, por edhe me një dozë ashpërsie, duke detyruar gjyqtarin të tregonte katër kartona të verdhë.

Skuadra vendase e cila këtë edicion synon kualifikimin në garat e Ligës së Kampionëve, kishte dy mundësi shumë të mira në 20 minutat e fundit të takimit, por nuk arriti t’i konkretizonte, shkruan lajmi.net.

Barazimi e lë skuadrën e Getafe në kuotën e 54 pikëve, por me një ndeshje më pak sesa Sevilla e cila pozicionohet në pozitën 4 me një pikë më shumë.

Në anën tjetër, ‘mbretërit’ minimizojnë gjasat që të përfundojnë kampionatin në pozitën e dytë së paku, pasi tashmë numërojnë 7 pikë sesa Atletico Madrid, por kanë një ndeshje më pak. /Lajmi.net/