Villa ka qenë aktive në afatin kalimtar të janarit deri më tani duke sjellë në huazim ish-shokun e skuadrës së Gerrard-it në Liverpool nga Barcelona përpara se të paguajë 25 milionë funte për të nënshkruar Digne nga Everton.

Përpara ndeshjes së së shtunës me Manchester United, në të cilën të dy lojtarët mund të bëjnë debutimin e tyre, Gerrard tha se dëshiron të shtojë një mesfushor qendror dhe një qendërmbrojtës përpara mbylljes së dritares.

“Mund të ketë përsëri mundësi,” tha ai. “Është ai “çeliku” dhe stili që ne po kërkojmë.

“A mund ta gjejmë atë nivel lojtari që do të përmirësojë skuadrën, apo kemi nevojë për mbulim për lëndime apo pezullim?

“Më pëlqen të kem katër qendërmbrojtës dhe ne kemi vetëm tre, kështu që ne jemi duke e analizuar atë situatë”.

Coutinho duket se do të emërohet në mesin e zëvendësuesve pasi ai kthehet në Premier League katër vjet pasi iu bashkua Barcelonës nga Liverpool për 146 milionë funte.

Por Digne mund të përfshihet nga fillimi pasi ai luajti rregullisht për Everton këtë sezon përpara se marrëdhënia e tij me menaxherin Rafael Benitez të përkeqësohej. /Lajmi.net/