Gazetari dhe përkthyesi amerikan vriten në Afganistan
Një fotoreporter amerikan dhe një përkthyes janë vrarë në provincën Helmand në Afganistanin jugor.
![](https://lajmi.net/wp-content/uploads/2016/06/1.jpeg)
Bota
David Gilkey nga Radio Publike Kombëtare dhe Zabihullah Tamanna po udhëtonin me ushtrinë afgane, kur u godit automjeti i tyre, shkruan BBC, transmeton KosovaPress.
Në këtë sulm, i vrarë mbeti edhe shoferi i automjetit, ndërsa dy punonjës të tjerë të cilët po udhëtonin së bashku me ta, kanë shpëtuar.
Gilkey ishte gazetari i parë amerikan jashtë ushtrisë, që është vrarë në konfliktin në Afganistan.
Gjatë karrierës së tij, ai është shpërblyer me një sërë çmimesh për mbulimin e konflikteve ushtarake dhe fatkeqësive natyrore.