Gashi e Xhaka ndihmojnë refugjatët

13:34 | 12 Shtator 2015

Dy ligat e para të futbollit zviceran do të dhurojnë nga 455 euro në ndihmë të refugjatëve për çdo gol që shënohet këtë fundjavë.

Klubet nga Super League dhe Challenge League, dy ligat e para të futbollit në Zvicër do të dhurojnë nga 455 euro në ndihmë të refugjatëve për çdo gol që shënohet këtë fundjavë.

Skuadrat nga dy ligat e para të futbollit zviceran ku luajnë plot futbollistë shqiptarë përfshirë dyshen e Baselit, Shkëlzen Gashi e Taulant Xhaka, kanë vendosur të japin kontributin e tyre në përpjekje për të ndihmuar krizën e madhe dhe dëbimin për shkak të luftës dhe rrezikut për jetë në Lindjen e Mesme.

Autoritetet e futbollit në Zvicër janë organi më i ri që i është bashkuar botës së sportit në ndihmë të refugjatëve.