Ish-lojtari i Man United, Gary Neville vazhdon me deklaratat e tij në lidhje me fituesin e Premier Ligës.

Premier Liga këtë sezon është tejet interesante, transmeton lajmi.net.

Kryesues në tabelë janë Arsenali, që po tregon paraqitje fenomenale këtë sezon.

Ekipi i Mikel Artetës ndodhen në vendin e parë me 50 pikë, pesë më shumë se Man City, por ‘Topçinjtë’ kanë një ndeshje më pak të zhvilluar.

Ende kanë mbetur edhe shumë xhiro për t’u luajtur dhe më pas për të kuptuar skuadrën triumfuese.

Megjithatë, ka gjithmonë diskutime se cili ekip në fund do të ngrejë kupën lart.

Është ish-lojtari i Man United që vazhdon të komentojë se kush do triumfojë,  ai e citon përsëri që Man City do jenë fitues.

“Manchester City mund ende ta fitojë ligën.Shpresoj se jam gabim!”, u shpreh Neville.

Kujtojmë që ai edhe më parë deklaroi që Arsenali nuk do fitojë, madje sipas tij Man United do jenë mbi ‘Topçinjtë’ në renditjen tabelare.

Mbetet të shihet deri në fund të sezonit nëse do dalin fjalët e tij, apo Arsenali do arrijë të befasojë atë dhe shumëkënd që nuk kanë besim tek ata./Lajmi.net/