Ministri i Bujqësisë, Pylltarisë dhe Zhvillimit Rural i Kosovës, Blerand Stavileci është ftuar nga homologu i tij serb Dragan Glamocic në një konferencë rajonale.

Ministri Stavileci ëhstë ftuar që të marrë pjesë prej 14- 16 nëntor në Kopaonik të Serbisë për të marrë pjesë në takimin e shtatë vjetor të Grupit Drejtues të Punës për Zhvillim Rurale Rajonal në Evropën Juglindore

Në këtë vit, kryesuese e këtij grupi është Ministria e Bujqësisë e Republikës së Kosovës, ndërsa ditën e nesërme ministri Stavileci do t’ia dorëzojë kryesimin grupit rajonal për vitin 2014, ministrit të Bujqësisë së Serbisë, Dragan Glamocic.

Përmes këtij grupi nënshtetëror, Shtetet e Evropës Juglindore po e forcojnë bashkëpunimin në fushën e bujqësisë dhe zhvillimit rural.

Njëkohësisht ata po i përafrojnë reformat rreth Politikës së Përbashkët Bujqësore, për t’i përshpejtuar proceset integruese në BE.