Paraqitjet fantastike të Cristiano Ronaldos deri më tani gjatë këtij sezoni përveç se i kanë shtruar shanset e tij për të fituar Topin e Artë, kanë bërë që tifozët ta humbin besimin ndaj idhullit të tyre.

E përditshmja sportive franceze L’Equipe ka bërë një sondazh duke shtruar pyetjen nëse Franck Ribery është favorit për ta rrëmbyer çmimin e futbollistit më të mirë të vitit në botë.

Por, 76 përqind të atyre që votuan nuk besojnë se futbollisti i Bayern Munichut, i cili edicionin e kaluar fitoi Bundesligën, Kupën e Gjermanisë dhe Ligën e Kampionëve, është ende favorit për të fituar. Vetëm 21 përqind janë me të.

Krejt kjo, pavarësisht euforisë së fitores 3:0 ndaj Ukrainës të martën që e kualifikoi Francën për në Kampionatin botëror 2014.