Franca rrit sigurinë rreth vendeve fetare

Nga sulmi terrorist në xhamitë e Zelandës së Re, mbetën të vdekur rreth 50 persona e u plagosën mbi 40 të tjerë.

Bota

15/03/2019 11:01

Ministri i Brendshëm francez, Christophe Castaner, ka njoftuar se do të ketë masa shtesë të sigurisë rreth vendeve fetare në Francë “si masë paraprake”, në përgjigje të sulmit të Christchurch.

“Patrullat do të mbahen rreth vendeve fetare”, ka shkruar ai nw Twitter, transmeton lajmi.net.

Nga sulmi terrorist në xhamitë e Zelandës së Re, mbetën të vdekur rreth 50 persona e u plagosën mbi 40 të tjerë.

Edhe Londra ka marrë masa të menjëhershme pas sulmeve terroriste në xhamitë në Zelandën e Re.

Kryebashkiaku i Londrës, Sadiq Khan ka shprehur ngushllime për familjarët e viktimave të sulmeve terroriste në xhamitë në Zelandën e Re.

Ai po ashtu ka bërë të ditur se ka vendosur të përforcojë sigurinë rreth xhamive në kryeqytetin britanik, transmeton lajmi.net.

“Dua të siguroj komunitetin mysliman në Londër. Kam qenë në kontakt me policinë. Do të ketë pjesëtarë të policisë rreth xhamive sot, si dhe zyrtarë të armatosur derisa londinezët shkojnë për t’u lutur”, deklaroi ai.

Londra ka një komunitet të madh mysliman. /Lajmi.net/