Florian Kamberi mund të qëndrojë në Britaninë e Madhe, e do Hull City

Vazhdon të mos marrë ende një zgjidhje e ardhmja e sulmuesit të kombëtares shqiptare Florian Kamberi.

Sport

12/07/2020 12:24

Pasi përfundoi periudhën e huazimit te Glasgow Rangers, Kamberi është rikthyer te Hibernian pasi skuadra e drejtuar nga Steven Gerard vendosi të mos e blejë kartonin e tij.

Gjithsesi te Hibernian 25-vjeçari i rritur si futbollist në Zvicër nuk do të qëndrojë gjatë.

Për të ka oferta nga Gjermania dhe Polonia, por Kamberi mund ta vazhdojë karrierën në Britaninë e Madhe pasi sipas “Daily Record” sulmuesi shqiptar kërkohet nga Hull City që luan në Championship dhe shumë shpejt transferimi i Kamberit te “tigrat” mund të bëhet realitet.

Mbetet të shihet se cila do të jetë zgjedhja e Kamberit. /Lajmi.net/