Mbrojtësi i Valencias, Shkodran Mustafi ka zgjuar interesim nga Real Madrid dhe Barcelona, ka bërë të ditur menaxheri i tij, Ali Bulut.

22-vjeçari iu bashkua klubit spanjoll nga Sampdoria në edicionin e kaluar dhe bëri 33 paraqitje në La Ligë.

Bulut ka bërë të ditur se paraqitjet e mira të Mustafit ka zgjuar interesim nga klubet e mëdha.

“Ka ekzistuar një interesim nga Real Madrid. Por, nuk kemi vazhduar në negociata të tjera”, deklaroi Bulut për “Bild”.

“Barcelona po ashtu e negocioi transferimin gjatë dimrit, por Mustafi ka kontratë të mirë në Valencia. Është klub i mirë dhe do të luajë në Ligën e Kampionëve. Nëse duhet të transferohet, gjithçka duhet të jetë perfekt”, u shpreh ai.