Flamurtari dhe Gjilani ndahen në paqe
Ka përfunduar ndeshja e vetme e IPKO Superligës së Kosovës që është luajtur sonte në mes të Flamurtarit dhe Gjilanit.
Sport
Të dy skuadrat kanë ndarë pikët në stadiumin Xhemal Ibishi në kryeqytet.
KF Flamurtari ka barazuar përsëri në ndeshjen kundër SC Gjilanit.
Derisa prishtinasit e kishin filluar shumë mirë kampionatin duke shënuar disa fitore radhazi, kështu nuk ka ndodhur dy xhirot e fundit, kur ata barazuan fillimisht me FC Prishtinën dhe tani edhe kundër Gjilanit.
Gjilani hynte më i motivuar në këtë ndeshje pasi që fitoi derbin e qytetit kundër Dritës në vikend, ndërkaq KF Flamurtari po ashtu kishte derbin e qytetit por që arriti një barazim kundër FC Prishtinës.
Të parët që kaluan në epërsi ishin pikërisht Flamurtari që shënuan në minutën e gjashtë, ndërkaq edhe goli i barazimit erdhi në pjesën e parë, pasi që në minutën e 40 barazoi Trevin Caesar.
Me këtë barazim, Flamurtari ngjitet në kuotën e 15 pikëve dhe është në vendin e tretë, ndërkaq Gjilani ka 14 pikë dhe është në vendin e pestë.