Flamuri kombëtar në Preshevë e Bujanoc, “therë në sy” për serbët
Flamuri i Shqipërisë, që ishte vendosur të premten në ndërtesën e Këshillit Kombëtar të shqiptarëve për Festën e Flamurit, vazhdon të valojë në këtë ndërtesë, diçka që ka alarmuar Beogradin, përfshirë edhe mediet serbe.
Lajme
Përpos ndërtesës së Këshillit në Bujanoc, flamuri me shqiponjën dy krenare gjendet edhe në ndërtesat e komunave në Preshevë dhe Bujanoc, ndonëse në këto objekte është përkrah flamujve të shtetit serb, shkruan Blic, transmeton Indeksonline.
Shqiptarët kanë të vetmin Këshill Kombëtar minoritar në Serbi i cili nuk e ka flamurin e vet, por në vend të tij përdor flamurin e Shqipërisë, shkruan Blic.
Paraqitje të tilla nëpër Serbi bëhen më të shpeshta çdo vit kur afrohet festa e flamurit kombëtar, më 28 nëntor.
Sipas kësaj gazezete, Këshilli Kombëtar i shqiptarëve nuk e ka pyetur askënd për ta vendosur flamurin e Shqipërisë në objektin e saj.