Jose Mourinho është shprehur i lumtur me fitoren e merituar të skuadrës së tij kundër Liverpoolit, duke shtuar se Fabregas dhe Ramires luajtën të lënduar në këtë takim.

“Ishte një performancë fantastike e cila ishte pasqyrim i ambicieve tona. Fabregas dhe Ramires ishin fantastik edhe pse në këtë takim luajtën me lëndime”.

“Nuk ishim të frikësuar për të kërkuar fitore pasi kjo skuadër ka një stabilitet të lartë. Ne kemi luajtur si mysafir të Evertonit, Manchester United, Man City dhe tani Liverpooli – dhe jemi vetëm në nëntor”.

“Kemi bërë një fillim të mirë të sezonit dhe kam besim se mund ta fitojmë titullin. Për momentin, në skuadrën tonë mbizotëron një lumturi e madhe”, përfundoi trajneri portugez, fjalët e tij pas takimit.