Laura Fazliu ka siguruar një vend në repasazh në Abu Dhabi Grand Slam 2025, pasi shfaqi një formë të shkëlqyer në garat e ditës.

Xhudistja kosovare e nisi turneun e lirë në xhiron e parë dhe në të dytën tregoi dominim të plotë duke mposhtur me Ippon Yeji Kim nga Koreja e Jugut.

Në çerekfinale u përball me Enkhriilen Lkhagvatogoo nga Mongolia, duel të cilin e humbi me Yuko, por kjo nuk e ndali rrugëtimin e saj, pasi vazhdoi në repasazh.

Aty, Laura do të ndeshet me austriaken Lubjana Piovesana, duel që mund t’i hapë rrugën drejt garës për medalje.