‘Aspirinat’ kanë fituar në udhëtim, në kuadër të xhiros së 29-të në Bundesliga, duke mposhtur skuadrën e Freiburg, shkruan lajmi.net.

Fitorja ishte e mundimshme, me rezultatin minimal 0:1, por tri pikët kanë rëndësi të madhe për Leverkusen.

Golin e vetëm në këtë takim e shënoi ‘diamanti’ i ‘Aspirinave’, Kai Havertz, kur po luhej minuta e 59’ e takimit. Gjithçka erdhi pas një asistimi të Leon Bailey.

Me golin e shënuar në këtë ndeshje, Havertz është lojtari i parë që arrin kuotën e 35 golave në Bundesliga, para se të mbush 21 vite.

Kai Havertz is the first player to score 3️⃣5️⃣ Bundesliga goals before turning 21 💪 pic.twitter.com/q5jRE2afuT

— GOAL (@goal) May 29, 2020

Me fitoren e shënuar sonte, Leverkusen rrit shpresat për Ligën e Kampionëve, duke numëruar tashmë 56 pikë për pozitën e tretë në tabelë.

Freiburg në anën tjetër mbetet në 38 pikë, për pozitën e tetë në klasifikimin e Bundesliga. /Lajmi.net/