Roma shënoi fitore të vështirë por shumë të rëndësishme ndaj Torinos, me rezultat 2:1.

Giallorossët siguruan pikët e plota në ballafaqimin e zhvilluar në Olimpico, vetëm falë golit vendimtar në minutën e parë të kohës shtesë.

Mattia Destro e kaloi Romën në epërsi pak para përfundimit të pjesës së parë. Mirëpo, sulmuesi në formë, Ciro Immobile barazoi rezultatin për mysafirët në minutën e 52-të.

Atëherë kur dukej se skuadrat do t’i ndajnë pikët, Alessandro Florenzi shënoi golin e fitores për Romën në minutën e 91-të.

Giallorossët e përforcojnë edhe më tepër pozitën e dytë ndërsa vazhdojnë ndjekjen në distancë të liderit Juventus – që udhëheq me 11 pikë më tepër – dhe takohet të mërkurën mbrëma me Parmën.