Kombëtarja shqiptare, si rrallë herë, ka fituar në udhëtim. Kuqezinjtë ia dolën ta mposhtin San Marinon me rezultat 3:0, në ndeshjen e zhvilluar të dielën mbrëma.

Ekipi i Gianni de Biasit ka dominuar fund e krye ndaj ekipit vendës, duke fituar me plot meritë.

Mërgim Mavraj e kaloi ekipin shqiptar në epërsi në minutën e 27-të, ndërsa Armando Vajushi e ngriti rezultatin në atë të 32-të.

Shqipëria nuk u ndal as në pjesën e dytë dhe e regjistroi edhe golin e tretë, në minutën e 73-të përmes Emiljano Vilës.

Kjo fitore e Shqipërisë arrin pas dy humbjesh radhazi të pësuara nga Rumania dhe Hungaria, me rezultat të njëjtë, 1:0.