Festivali Olimpik: Tenistët kosovarë mbyllin garat në çift
Festivali Olimpik Evropian për të Rinj, po vazhdon edhe sot me organizimin e garave, në kryeqytetin e Azerbajxhanit, Baku.
Sport
Njësoj sikur dje, tenistët kosovarë garuan edhe sot në këtë festival, por sot ata garuan në çifte, shkruan lajmi.net.
Melos Nallbani dhe Fresk Sylhasi ishin dyshja që garuan në konkurrencën e meshkujve, duke u mposhtur nga çifti spanjoll, Rodenas – Merida, me rezultatin 2:0 në sete.
Në kategorinë e femrave, ishin tenistet Vesa Gjinaj dhe Forta Morina, të cilat u mposhtën nga çifti suedez Mitterger – Johansson, po me rezultatin e njëjtë.
Të katër tenistët u mposhtën edhe dje në garat individuale, por ata kanë fituar një përvojë të mirë nga ky festival. /Lajmi.net/