Festim Beqiri mbetet pa medalje në Baku
Festim Beqiri nuk ka arritur të fitojë medalje në Festivalin Olimpik Evropian për të Rinj që po mbahet në Baku.
Sport
Xhudisti kosovar mbylli garat e xhudos në këtë Festival, me një fitore dhe dy humbje.
Beqiri fillimisht mposhti estonezin Randel Pasteel, në raundin e parë në kategorinë -66 kilogramë, shkruan lajmi.net.
Por në raundin e dytë ai u mposht nga rusi Saikhan Shabikhanov, megjithatë mbeti në garë për medalje e bronztë.
Në repesazh, xhudisti i talentuar u mund nga azeri Matin Rzazade, duke mbetur pa medalje. /Lajmi.net/