Fernando Alonso nuk do të mund të shfrytëzojë rrjetin social Twitter për të komentuar rreth ekipit të Ferrarit.

Sipas informacioneve të publikuara nga mediat italiane, krerët e ‘Scuderia’ kanë kërkuar nga ngasësi spanjoll të mos komentoj rreth ekipit nga Maranello, në Twitter.

Alonso është vazhdimisht aktiv në rrjetin social duke bërë postime të ndryshme përfshirë edhe komente e nganjëherë edhe kritika rreth ekipit.

Mirëpo, presidenti i Ferrarit, Luca di Montezemolo duket se nuk do ta durojë më, dhe e ka ‘censuruar’ Alonson të bëjë komente rreth ekipit nëpërmjet Twitterit.

Alonso e përfundoi edicionin në pozitën e dytë pas kampionit të pandalshëm nga katër edicionet e fundit, Sebastian Vettel në Red Bull dhe shpeshherë është ankuar se nuk ka bolid në gjendje të luftojë për titull.